Hugleiðsla alla þriðjudaga kl. 20.00 – 21.30, Yogavin, Grensásvegi 16. Núvitund, vipassana, metta. Verið hjartanlega velkomin. Dana / frjáls framlög. Keyrt upp með húsinu vinstra megin og gengið inn bak við húsið, næg bílastæði bak við húsið. Sjá nánari upplýsingar.
Elsku vinir
Vegna samkomubanns falla hugleiðslukvöld niður frá og með 24. mars og þar til samkomubanni lýkur.
Við hvetjum alla til að leggja sitt að mörkum að skapa vernd og traust. Við getum nálgast næstu vikur í anda kyrrðarvökunnar og skapað verndað umhverfi til iðkunar heima fyrir og hlúð að hvort öðru í öllum samskiptum.
Það er mikilvægt að vökva fræ vináttu og samkenndar til að skapa ró og traust og iðkunin er sannarlega vel til þess fallin. Þó að við hittumst ekki í Yogavin getum við haldið áfram að sitja saman á þriðjudagskvöldum kl. 20.00.
Til stuðnings heimaiðkuninni tókum við upp tónheilun djúpslökun og metta hugleiðslu síðastliðið þriðjudagskvöld 17. mars. Njótið elsku vinir.
Tónheilun djúpslökun
Í þessari 30 mínútna tónheilun er í upphafi leitt inní fjórar stoðir núvitundar til að efla meðvitund og kyrra hugann. Tíðni og tónar kristalskálanna skapa jafnvægi í öllu orkusviði líkamans og gefa djúpa og nærandi hvíld.
Ásta Arnardóttir 17.03.2020
Metta hugleiðsla
Metta hugleiðsla er leidd hugleiðsla sem vökvar fræ vináttu og góðvildar. Í upphafi og lok hugleiðslunnar er sungin mantra “Om tare tuttare ture soha”, heilandi mantra samkenndar og friðar. Tilvalið að syngja með í upphafi og í lokin.
Ásta Arnardóttir 17.03.2020
DAGSKRÁ 2019 – 2020
Hugleiðsla þriðjudaga kl. 20.00 – 21.30
Hugleiðsludagur í Yogavin 22. mars FELLUR NIÐUR
Kyrrðarvaka með Sharda Rogell 6. – 11. júní
Megi allar skynverur vera hamingjusamar
Megi allir lifa í friði og sátt
Megi allar skynverur þekkja sitt sanna eðli viksu og kærleika